اسلام آباد(نیوز رپورٹر)وزیراعظم شہباز شریف نے عید کے موقع پرسربراہ جمعیت علمائے اسلام مولانا فضل الرحمٰن کو ٹیلی فون کیا اور عید کی مبارکباد دی اور نیک خواہشات کا اظہار کیا۔ مولانا فضل الرحمٰن نے بھی وزیرِاعظم کو عید کی مبارکباد پیش کی۔ دونوں رہنماؤں نے پاکستان کی ترقی و خوشحالی کیلئے دعا کی۔ دونوں رہنماؤں نے عید کے موقع پر فلسطین اور کشمیر کے عوام پر ظلم و جبر کے خاتمے کیلئے بھی دعا کی۔