چین کی فلسطین کو اقوام متحدہ میں مکمل رکنیت دینے کی حمایت

13 اپریل ، 2024

اسلام آباد(نامہ نگار خصوصی)چین نے فلسطین کو اقوام متحدہ میں مکمل رکنیت دینے کی حمایت کی ہے۔ چین کی وزارت خارجہ کی ترجمان ماؤننگ نے بیجنگ میں معمول کی میڈیا بریفنگ میں کہا کہ چین اس سلسلے میں عالمی ادارے کے فوری اقدام کی حمایت کرے گا۔ فلسطین نے حال ہی میں اقوام متحدہ کی سلامتی کونسل سے باضابطہ درخواست کی تھی کہ 2011ء میں اقوام متحدہ کی مکمل رکنیت کے لئے جمع کرائی گئی اس کی درخواست پر دوبارہ غور کرے۔ سلامتی کونسل کا گزشتہ پیر کو اجلاس ہوا جس میں درخواست کو غور و خوص کے لئے متعلقہ داخلہ کمیٹی کو بھیج دیا گیا۔