مری میں سیاحوں کا رش اُمڈ آیا‘ موسم بھی انتہائی دلفریب

مری (نمائندہ جنگ) عیدالفطر کی تعطیلات پر سیاحتی مقام ملکہ کوہسارمری میں سیاحوں کا سیلاب امڈ آیا، مال روڈ پر تل دھرنے کی جگہ نہ رہی جبکہ موسم بھی انتہائی دلفریب ہے۔ سیاح خوبصورت نظاروں اوردلفریب موسم سے بھرپور لطف اندوزہورہے ہیں جبکہ انکی رہنمائی کیلئے ضلعی انتظامیہ کی جانب سے مختلف مقامات پر 13ہیلپ ڈیسک بھی قائم کئے گئے ہیں۔ کمشنر راولپنڈی عامرخٹک بھی انتظامات کاجائزہ لینے کیلئے مری پہنچ گئے۔ ڈپٹی کمشنرمری آغاظہیر عباس شیرازی نے انہیں بریفنگ دی۔