دہشتگرد انسانیت کے دشمن، ان کا کوئی دین مذہب نہیں ، جاوید قادر

میرپور( جنگ نیوز)صدر پاکستان مسلم لیگ ن ضلع میرپور چوہدری جاوید قادرنے کہا کہ دہشت گردکس رعایت کے مستحق نہیں، دہشت گرد انسانیت کے دشمن ہیں، ان کا کوئی دین مذہب نہیں ہوتا یہ صرف انسانیت کے قاتل ہیں ۔ ضلع نوشکی کے علاقے میں قومی شاہراہ پر بس مسافروں کے اغوا کے بعد قتل کا اندوہناک واقعہ قابل مذمت ہے ۔ان خیالات کا اظہار انہوں نے میڈیا سے بات چیت کرتے ہوئے کیا۔انہوں نے کہا کہ اس لرزہ خیز واقعہ پر گہرے دکھ اور افسوس کا اظہار کرتے ہیں مقتولین کے لواحقین کیلئے صبر جمیل کی دعا کرتے ہیں اور حکومت سے مطالبہ کرتے ہیں کہ دہشتگردی کے اس واقعہ کے مجرموں اور ان کے سہولت کاروں کو قرار واقعی سزا دی جائے ، دکھ کی اس گھڑی میں سوگوار خاندانوں کے ساتھ دلی ہمدردی کرتے ہیں ۔چوہدری جاوید قادر نے کہاکہ واقعے میں ملوث دہشت گردوں کے خلاف سخت ایکشن لیاجائے، مسافروں کا قتل غیر انسانی فعل، ناقابل معافی جرم ہے، دہشت گردوں کو منطقی انجام تک پہنچایا جائے ۔ بتایا جارہا ہے کہ صوبہ بلوچستان کے دارالحکومت کوئٹہ سے تفتان جانے والی بس سے 9 مسافر اتار کر قتل کر دیئے گئے جن کی لاشیں نوشکی کے پہاڑی علاقے میں پل کے نیچے سے ملیں۔انہو ں نے کہا کہ دہشتگردوں کے خلاف اپریشن میں پوری قوم پاک افواج کے شانہ بشانہ کھڑی ہے ۔