پختونخوا اور پنجاب میں عید کے دوران مختلف حادثات میں 59 افراد جاں بحق

14 اپریل ، 2024

راولپنڈی (مانیٹرنگ ڈیسک )خیبرپختونخوا اور پنجاب میں عید کے دوران مختلف حادثات میں59افراد جاں بحق ہوگئے۔ترجمان ریسکیو 1122بلال احمد فیضی کے مطابق خیبر پختونخوا میں ریسکیو سروسز نے عید کے تین دنوں میں 2,560 ایمرجنسیز میں خدمات فراہم کیں۔انہوں نے کہا کہ صوبے بھر میں 488 ٹریفک حادثات رونما ہوئے، جبکہ 11 ڈوبنے کے واقعات ہوئے۔انہوں نے مزید کہا کہ مختلف واقعات میں 2,805 افراد کو طبی امداد فراہم کی گئی.لاہور میں عیدکے دوران ٹریفک حادثات میں 32 افراد جاں بحق ہوئے۔ترجمان ریسکیو سروسز کے مطابق تین دن میں پنجاب بھر میں 6,294 حادثات رپورٹ ہوئے۔تفصیلات بتاتے ہوئے ان کا کہنا تھا کہ موٹر سائیکل کے 6031، رکشے کے 304 اورگاڑیوں کے 704 حادثات ہوئے۔ان حادثات میں کل 5،609 مرد اور 1،735 خواتین متاثر جبکہ سب سے زیادہ، 1،082 واقعات لاہور میں ہوئے۔