ملک میں جمہوریت شہیدبھٹو کی مرہون منت ہے،وزیر اعلیٰ بلوچستان

گڑھی خدا بخش(خ ن)وزیراعلیٰ بلوچستان میر سرفراز بگٹی نے شہید جمہوریت ذولفقار علی بھٹو کی برسی کے موقع پر اپنے ایک پیغام میں کہا ہے کہ ملک میں پارلیمانی نظام اورجمہوریت شہید ذوالفقار علی بھٹو کا مرہون منت ہے۔شہید ذوالفقار علی بھٹو نے ملک کو ایک ایسا آئین دیا جو ہر شہری کے بنیادی انسانی حقوق کا ضامن ہے۔ وزیراعلیٰ نے کہا کہ شہید ذوالفقار علی بھٹو نے ملک کے دفاع کو ناقابل تسخیر بنایا شہید بھٹو پاکستان کے واحد لیڈر تھے جن پر پوری امت مسلمہ کو آج بھی فخر ہےشہید نے اپنے دور حکومت میں امت مسلمہ کی وحدت اور یگانگت کے ٹھوس موقف کو بھرپور فروغ دیا انہوں نے کہا کہ ہم نے آج ان کے بینادی فلسفہ جمہوریت پر عمل کرتے ہوئے عوامی خدمت کو اپنا منشور بنایا ہے شہید ملت کے فلسفہ جمہوریت پر مکمل عملدرآمد سے ہی ہم عوام کی بہتر خدمت کر سکتے ہیں ۔ وزیراعلیٰ نے کہا کہ صوبائی حکومت کی کوشش ہے کہ شہید ذوالفقار علی بھٹو کے نظریہ عوامی خدمت کو اپنائے کیونکہ ایک آزاد جمہوری معاشرہ ہی ترقی اور خوشحالی کا ضامن ہے۔