حکومت اپنے اعلان کردہ ریٹ پر گندم کی خریداری کرے،سردار رند

کوئٹہ(اسٹاف رپورٹر ) سینئر سیاست دان سردار یار محمد رند نے کہا ہے کہ حکومت کسانوں کے ساتھ ناانصافی بند کریں ، اس سال ملک بھر میں گندم کی فصل وافر مقدار میں کاشت کی گئی جب کے ہمارے پاس یہاں گندم کٹائی کے مراحل میں اور سنہرے دانوں میں تھی عین اسوقت کراچی پورٹ پر گندم کے جہاز اتارے جارہے تھے اس وقت ملک بھر کی منڈیوں میں گندم کے ریٹ گرتے جا رہے ہیں اور اب کہا جارہا ہے حکومت کے پاس گندم خریداری کے پیسے نہیں۔ اس وقت مارکیٹ میں کسانوں سے گندم اونے پونے داموں خریدی جارہی ہے مہنگے ڈیزل بلیک میں خریدی کھاد اور مہنگی بجلی سے سیراب کر کے اگائی گئی گندم کو سستے داموں خریدا جارہا ہے کسان جو 60 فیصد طبقے پر مشتمل ہیں ان کے کمر توڑ دی ہے ملک میں خوشحالی کیسے ممکن ہے۔ حکومت کسانوں کے ساتھ تعاون کرے جس ریٹ کا اعلان کیا ہے اس پرکسانوں سے گندم کی خریداری کرے۔