ایتھوپیا ، بس مخالف سمت سے سفر کرنے والے ٹرک سے ٹکرا گئی، 15افراد ہلاک

ادیس ابابا (اے پی پی)ایتھوپیا کے وسطی علاقے اورومیا میں ایک سڑک حادثے میں 15 افراد ہلاک ہو گئے ۔شنہوا کے مطابق اورومیا ریجن میں ویسٹ ارسی زون پولیس ڈیپارٹمنٹ کے ایک اہلکار کمال امان نے میڈیا کو بتایا کہ یہ سڑک حادثہ ہفتے کی صبح اس وقت پیش آیا جب ایک بس سڑک کے مخالف سمت سے سفر کرنے والے ٹرک سے ٹکرا گئی۔ انہوں نے بتایا کہ حادثے میں ہلاک او رزخمی ہونے والوں کو قریبی ہسپتالوں میں منتقل کر دیا گیاہے۔انہوں نے بتایا کہ ابتدائی تحقیقات کے مطابق حادثے متاثرہ بس ڈرائیور کی لاپروائی اور تیز رفتاری کے باعث پیش آیا ہے تاہم ابھی تحقیقات جاری ہیں۔واضح رہے کہ ایتھوپیا دنیا میں سب سے کم فی کس کار کی ملکیت کی شرحوں میں سے ایک ہے تاہم خراب سڑکوں، لاپرواہی سے ڈرائیونگ، حفاظتی قوانین پر عمل درآمد میں لاپروائی اور ڈرائیونگ لائسنس جاری کرنے کے ناقص نظام کی وجہ سے یہاں مہلک ٹریفک حادثات نسبتاً عام ہیں۔