مری ہسپتال ، وزیراعلیٰ مریم مریضوں کی طویل قطاروں پر برہم ، MSکر سرزنش ، خاتون سکیورٹی گارڈ کو گلے لگا لیا

لاہور(خصوصی نمائندہ)وزیر اعلیٰ پنجاب مریم نواز شریف نے تحصیل ہیڈ کوارٹر ہسپتال مری کا دورہ کیا ، او پی ڈی میں مریضوں کی لمبی قطاریں دیکھ کر برہمی کا اظہار کیا اوراو پی ڈی میں مریضوں سے بات چیت کی ،مریضوں کو انتظار کروانے اور نا کافی سہولتوں پر ایم ایس کی سرزنش کی اور تنبیہ کی کہ ہسپتال کے نظام کو درست کریں، مریض دربدر ہورہے ہیں ، قطار میں کھڑی خواتین سے بات چیت کی اور مسائل کے بارے میں دریافت کیا ،مریضہ کی ماں کو دلاسہ د یتے ہوئے کہا گھبرائیں مت!انشاء آپ کی بیٹی ٹھیک ہو جائے گی، بچے سے اظہار شفقت کیا اور ڈاکٹر کو بہترین علاج کی ہدایت کی ، ایمرجنسی وارڈ میں مریضوں کی فرداً فرداً عیادت کی اور صحت یابی کی دعائیں کیں ، بہتر دیکھ بھال کی ہدایت بھی کی۔ مریضوں اور ان کے لواحقین سے گفتگو کی اور ہسپتال میں موجود سہولیات کے بارے میں دریافت کیا۔ بزرگ مریضہ سے گفتگو کرتے ہوئے پوچھا کہ ادویات مل رہی ہیں، کوئی مسئلہ تو نہیں۔وزیر ہسپتال سے واپسی پر خاتون سیکورٹی گارڈ کے کہنے پر تصویر بنوائی اور اسے گلے لگایا۔علاوہ ازیں مسلم لیگ (ن) کے قائد محمد نوازشریف روٹی کی قیمت معلوم کرنے خود عوام میں پہنچ گئے ، وزیراعلی ٰمریم کے ہمراہ روٹی کی قیمتیں معلوم کیں اڈہ پلاٹ پر نان بائیوں سے ملاقات کی اور ان سے روٹی کی قیمت معلوم کی ، مریم نواز نے ریٹ لسٹ کا معائنہ کیا۔ نوازشریف اور وزیراعلی کو خود میں دیکھ کر عوام کا خوشگوار حیرت کا اظہارکیا ،دونوں نے عوام سے ان کی رائے بھی معلوم کی۔ نوازشریف نے عوام سے گفتگوکرتے ہوئے کہا کہ روٹی کی قیمت کا خود جائزہ لیتا رہوں گا۔