ایمرجنسی نمبرپر2ہزارکالزکرنے والی خاتون کو22ہفتے قیدکی سزا

لندن (سعید نیازی)تین برس کے دوران ایمرجنسی نمبر999پر دو ہزار سے زائد مرتبہ کال کرنے والی عورت کو22ہفتے قید کی سزا سنا دی گئی۔ شمالی لندن کے علاقے ہیرو کی56سالہ سونیا نیکسن نے 2021-23تک ایمرجنسی نمبر پر17مختلف موبائل نمبروں سے کال کی۔ میٹروپولیٹن پولیس کے مطابق سونیا نیکسن اس عرصہ کے دوران اس طرح کی کالز کرنے والی پانچویں کالر تھی، صرف 2023میں اس نے 999 پر 1,194 پر کالز کیں اور وہ اس سال اس طرح کی کالز کرنے والی ٹاپ تھری میں شامل تھی۔ سونیا نیکسن کو جنوری میں کمیونی کیشن ایکٹ 2003 کی 668 خلاف ورزیوں اور 670 جرائم کے الزام میں گرفتار کیا گیا۔ گرفتاری کے وقت اس نے ایک افسر کے ساتھ نسلی طور پر معتصبانہ رویہ اختیار کیا۔ اس پر نامناسب رویہ کے علاوہ پولیس وین میں پیشاب کرنے کے الزامات بھی عائد کئے گئے، سونیا نیکسن کو 22 ہفتے قید کی سزا سنائی گئی ہے۔