پی ٹی آئی کو جلسوں کی اجازت ،ڈپٹی کمشنر کو درخواستوں پر فیصلہ کرنیکی ہدایت

لاہور( این این آئی)لاہور ہائیکورٹ نے پاکستان تحریک انصاف کو مینار پاکستان،موچی گیٹ اور مغلپورہ میں جلسوں کی اجازت نہ دینے کے خلاف دائر درخواستیں ڈپٹی کمشنر لاہور کو بھجوا دیں ۔ لاہور ہائیکورٹ کے جسٹس شجاعت علی خان نے پی ٹی آئی کے رہنما ندیم الطاف اور محمد خان مدنی کی درخواستوں پر سماعت کی ۔ایڈیشنل ایڈووکیٹ جنرل پنجاب رانا شمشاد نے درخواستوں کے قابل سماعت ہونے پر اعتراض اٹھایا۔ عدالت نے حکم دیا کہ ڈپٹی کمشنر درخواست گزار وں کو سن کر ان کی زیر التوا ء درخواست پر قانون کے مطابق فیصلہ کریں ،عدالت کا درخواست گزار وں کو آج ڈی سی لاہور کے روبرو پیش ہونے کا حکم دیدیا۔