ایرانی صدر کی ایڈوانس سکیورٹی ٹیم پاکستان پہنچ گئی

اسلام آباد( نیوز ایجنسی )ایران کے صدر ڈاکٹر ابراہیم رئیسی کے ہائی پروفائل دورہ پاکستان سے قبل ایڈوانس سکیورٹی ٹیم پاکستان پہنچ گئی ،ٹیم پاکستانی حکام کے ساتھ مل کر ایرانی صدر کے لئے سکیورٹی پلان کو حتمی شکل دے گی، سکیورٹی سے متعلق امور کا بھرپور جائزہ لینے اور اس حوالے سے فول پروف انتظامات یقینی بنائے گی ۔ دونوں ممالک کے حکام اس حوالے سے مشاورت کر رہے ہیں۔صدر ڈاکٹر ابراہیم رئیسی کے دورہ پاکستان سے متعلق معاملات پر مشاورت کے لیے پاکستان میں متعین ایرانی سفیر رضا امیری مقدم نے دفترِ خارجہ کا دورہ کیا۔ انہوں نے وزارتِ خارجہ کے اعلیٰ حکام سے ملاقات کی جس میں متعلقہ امور پر مشاورت ہوئی۔