غیرملکیوں کی سیکیورٹی میں پولیس کی بڑی نااہلی سامنے آ گئی

20 اپریل ، 2024

کراچی( نمائندہ جنگ )ملیر میں غیرملکیوں کی سیکیورٹی میں پولیس کی بڑی نااہلی سامنے آ گئی ۔بن قاسم پاور پلانٹ پر سیکیورٹی اہلکاروں کے خواب خرگوش کے مزے لیتے ہوئے ویڈیوز اور تصاویر سامنے آ گئیں۔بن قاسم پاور پلانٹ پر کئی غیرملکی بھی کام کررہے ہیں۔سیکیورٹی اہلکاروں کی ڈیوٹی پر سوتے ہوئے تصاویر اور ویڈیوز سامنے آئی ہیں ۔تصاویر اور ویڈیوز پاور پلانٹ کے ایک سے زائد مقامات کی ہیں۔سیکیورٹی اہلکار دن کی ڈیوٹی میں بھی سوتے دیکھے جاسکتے ہیں۔اہلکاروں کا اسلحہ ان کے قریب ہی رکھا دیکھا جاسکتا ہے۔بن قاسم پاور پلانٹ پر نجی سیکیورٹی کمپنی کے اہلکار تعینات ہیں۔بن قاسم جیٹی کے قریب ماضی میں بھی غیر ملکیوں پر حملہ ہوچکا ہے۔حملے میں ایک دہشت گرد ہلاک اور پولیس اہلکار زخمی ہوا تھا۔