بھارتی انتخابات، پہلا مرحلہ مکمل،مغربی بنگال اور منی پور میں تشدد کے واقعات

20 اپریل ، 2024

کراچی(نیوز ڈیسک)بھارت میں عام انتخابات کے لیے پہلے مرحلے میں ووٹنگ کا عمل مکمل ، مغربی بنگال اور منی پور میں تشدد کے واقعات رپورٹ ہوئے ہیں۔بھارت میں سات مراحل میں انتخابات ہوں گے۔ جمعے کو پہلے مرحلے میں 21 ریاستوں کے 102 حلقوں میں ووٹ ڈالے گئے۔جن ریاستوں میں ووٹ ڈالے گئے ان میں اتر پردیش، تمل ناڈو، اتراکھنڈ، منی پور، میگھالیہ، آسام، مہاراشٹر، راجستھان، مغربی بنگال اور مقبوضہ جموں و کشمیر کے حلقے شامل ہیں۔الیکشن کمیشن کے مطابق ملک میں رجسٹرڈ ووٹرز کی تعداد 97 کروڑ ہے۔