اتر پردیش، بی جے پی کے کارکن اقلیتوں کو دھمکا رہے ہیں، سماج وادی پارٹی

کراچی(نیوز ڈیسک)بھارتی پارلیمان کے ایوان زیریں کےانتخابات کے پہلے مرحلہ کے تحت ریاست اتر پردیش کی 8 نشستوں پر ووٹنگ کے دوران سماج وادی پارٹی ایس پی نے الزام عائد کیا کہ بی جے پی کے کارکنوں کی جانب سے اقلیتوں کو دھمکایا جا رہا ہے۔ ایس پی نےسوشل میڈیا پلیٹ فارم ایکس پر لکھاکہ مرادآباد لوک سبھا کے ٹھاکر دوارا میں کئی اسٹیشنز پر بی جے پی کے کارکن خاص مذہب کے لوگوں کو دھمکا رہے ہیں۔ الیکشن کمیشن اس کا نوٹس لے اور غیرجانب دارانہ انتخابات کو یقینی بنایا جائے۔