دبئی:کراٹے کومبیٹ میں آج پاک بھارت فائٹر مدِ مقابل، ایونٹ پیر کو ”جیوسوپر“ سے دیکھیں

کراچی (جنگ نیوز) دبئی میں ہونے والے ”کراٹے کومبیٹ“میں پاکستان اور بھارت کے فائٹرز ہفتے کو آمنے سامنے ہوں گے۔ پاکستانی فائٹر شاہ زیب کا مقابلہ بھارت کے رانا سنگھ سے ہوگا۔ یاد رہے کہ مقابلے سے پہلے ہی شاہ زیب نے رانا سنگھ پر زور کا وار کرکے اُسے زور دار تھپڑ رسید کردیا ہے۔ اس ایونٹ میں پاکستان کے مزید دو کھلاڑی رضوان علی اور علومی کریم بھی ایکشن میں دکھائی دیں گے۔ کراٹے کومبیٹس کی فائٹس پاکستان کا پہلا اسپورٹس چینل ”جیوسوپر“ پیر سے نشر کرے گا۔