اتحادی حکومت بلوچستان کی ترقی میں اہم کردارادا کرے گی،جمال شاہ کاکڑ

کوئٹہ ( آئی این پی ) پاکستان مسلم لیگ(ن)بلوچستان کے جنرل سیکرٹری ورکن قومی اسمبلی جمال شاہ کاکڑ نے نئے صوبائی وزرا کو اپنے عہدوں کا حلف اٹھانے پرمبارکباد پیش کرتے ہوئے کہاہے کہ وزیراعلی بلوچستان میرسرفرازبگٹی کی سربراہی اتحادی حکومت بلوچستان کی ترقی کیلئے اہم کردارادا کرے گی، امید ہے کہ صوبائی حکومت صوبے میں امن وامان کے قیام ،معیشت کی بہتری ،عوام کو روزگار کے مواقع ،زراعت کی بہتری کیلئے موثر اقدامات اٹھائیں گے ۔ان خیالات کااظہار انہوں نے اپنے جاری کردہ بیان میں کیا۔ جمال شاہ کاکڑ نے بلوچستان کی نئی کابینہ میں شامل پاکستان مسلم لیگ(ن)،اتحادی جماعتوں پاکستان پیپلزپارٹی اور بلوچستان عوامی پارٹی کے صوبائی وزرا کو اپنے عہدوں کا حلف اٹھانے پرمبارکباد پیش کرتے ہوئے اس امید کااظہار کیاہے کہ وزیراعلی بلوچستان میر سرفراز احمد بگٹی کی سربراہی میں صوبائی حکومت صوبے کے عوام کے وسیع تر مفاد میں امن وامان کے قیام کیلئے جدوجہد کرینگے کسی بھی علاقے میں معاشی صورتحال کیلئے بہتری کیلئے امان وامان اہم ہے اور صوبائی حکومت کی امن وامان کا قیام اولین ترجیح ہونی چاہیے ،انہوں نے کہاکہ وزیراعلی بلوچستان میرسرفرازبگٹی جس طرح پہلے دنوں میں متحرک رہے ہیں امید ہے کہ وہ آئندہ بھی متحرک ہوکر اپنا کردارادا کرینگے۔