زہر کا خدشہ، 2روز میں بشری بی بی کا انڈواسکوپی ٹیسٹ کرانے کا حکم

اسلام آباد (نمائندہ جنگ) احتساب عدالت کے جج ناصرجاوید رانا نے بانی پی ٹی آئی اور بشریٰ بی بی کے طبی معائنہ کی درخواستیں منظور کرتے ہوئے سپرنٹنڈنٹ اڈیالہ جیل کو دونوں ملزمان کا میڈیکل چیک اپ کروا کر 22 اپریل تک عمل درآمد رپورٹ جمع کرانے کی ہدایت کی ہے۔جج کے حکم پر عدالت میں نصب اضافی دیواریں ختم،دوران سماعت پریس کانفرنس نہ کریں،عمران کو ہدایت ، عدالت نے بشریٰ بی بی کا انڈوسکوپی ٹیسٹ نجی ہسپتال سے دو روز میں کروانے کا حکم دیتے ہوئے کہاکہ بشری بی بی کا انڈوسکوپی ٹیسٹ ڈاکٹر عاصم یونس اور سرکاری ڈاکٹر کے زیر نگرانی کروایا جائے۔ گذشتہ روز اڈیالہ جیل میں احتساب عدالت نے190 ملین پاونڈز ریفرنس کی سماعت کی ۔دوران سماعت جج ناصر جاوید رانا نے بانی پی ٹی آئی کوہدایت کی کہ سماعت کے دوران پریس کانفرنس سے گریز کیا کریں۔