حکومت کاوزارتوں اور ڈو یژنوں میں ڈےکیئرسہولیات کی فراہمی کا فیصلہ

اسلام آ باد ( رانا غلام قادر ) وفاقی حکومت نے وزیراعظم بااختیارخواتین پیکج 2024کے تحت اقدامات کا آغاز کر دیا ہے۔وفاقی حکومت نے وزارتوں اور ڈو یژنوں میں ڈےکیئرسہولیات کی فراہمی کا فیصلہ کیا ہے۔کابینہ ڈویژن نےڈے کیئرسہولیت کی فراہمی کےلیے تمام وزارتوں اور ڈویژنوں سےتفصیلات طلب کرلیں۔ ذ رائع کے مطا بق وزارتوں اورڈویژنز میں ڈے کیئرسولیات کی ضروریات کاجائزہ لیا جارہا ہے۔کابینہ ڈویژن کو وزارتیں اورڈویژنزخواتین افسران و ملازمین کےنام،عہدوں کی تفصیلات فراہم کریں گی۔ خواتین افسران اورملازمین کی ازدواجی حیثیت کی تفصیلات جمع کی جائیں گی۔وزارتوں،ڈویژنز میں کام کرنے والی خواتین کو4سال سےکم عمربچوں کے کوائف دینا ہوں گے۔