اسرائیل ایران کیساتھ مکمل جنگ کا بوجھ برداشت نہیں کر سکتا،تجزیہ کار

کراچی (ٹی وی رپورٹ) جیو کے پروگرام ’’رپورٹ کارڈ‘‘ میں میزبان علینہ فاروق کے سوال ایران اور اسرائیل کے درمیان حالیہ پیشرفت کا حالات پر کیا اثر ہوسکتا ہے؟ کا جواب دیتے ہوئے تجزیہ کاروں نے کہا کہ اسرائیل میں رائے ہے کہ اس وقت ایران کے ساتھ مکمل جنگ کا بوجھ نہیں برداشت کیا جاسکتا، ایران اسرائیل جنگ ہوجاتی ہے تو پاکستان کیلئے بڑا ایشو ہوگا، لگتا ہے ایران اور اسرائیل پس پردہ سفارتکاری کے نتیجے میں کسی انڈراسٹینڈنگ تک پہنچ گئے ہیں ،پروگرام میں تجزیہ کار اعزاز سید بینظیر شاہ ،ارشاد بھٹی اور مظہرعباس نے اظہار خیال کیا۔اعزاز سید نے کہا کہ ایران اور اسرائیل نے ایک دوسرے کی جن تنصیبات کو نشانہ بنایا وہ فعال نہیں تھیں،بینظیر شاہ کا کہنا تھا کہ ایران اور اسرائیل دونوں ممالک صورتحال کی شدت کم کررہے ہیں، ارشاد بھٹی نے کہا کہ اسرائیل نے اگر ایران پر حملہ کیا بھی ہے تو یہ ٹائیں ٹائیں فش فش حملہ ہے، ایران نے جو کیا وہ بھی حملہ نہیں فیس سیونگ تھی مظہر عباس کا کہنا تھا کہ ایرانی صدر پاکستان آرہے ہیں جبکہ سعودی شاہ بھی پاکستان آنے والے ہیں، یہ ایسا کچھ سنجیدہ ہونا ممکن ہے ایران غیرمستحکم ہوا تو بلوچستان بھی غیرمستحکم ہوسکتا ہے۔