پاکستان کی GSPپلس سٹیٹس کے بعد فری ٹریڈ کیلئے لابنگ

لاہور(آصف محمود بٹ ) پاکستان نے یورپی یونین اور دیگر ممالک کے ساتھ جی ایس پی پلس سٹیٹس کے بعد فری ٹریڈ کے لئے لابنگ کا آغاز کر دیا ہے۔ اس حوالے سے مسلم لیگ (ن) سے تعلق رکھنے والے سینیٹر خلیل طاہر سندھو نے ہنگری کے سفیر بیلا فازیکاس سے ملاقات کی۔ ہنگری جولائی 2024میں یورپی یونین کی صدارت سنبھال رہا ہے جس کو مد نظر رکھتے ہوئے قبل از وقت ہی فری ٹریڈ کے لئے لابنگ کا آغاز کیا گیا ہے۔ سینیٹر خلیل طاہر سندھو نے ہنگری کے سفیر بیلا فازیکاس کو بتایا کہ پنجاب حکومت نے وزارت انسانی حقوق میں ٹریٹی سیل بنایا جہاں ہیومن رائٹس ایکسپرٹس کو تعینات کیا گیا ہے تاکہ جی ایس پی پلس کے حوالے سے عملدرآمد رپورٹس وفاقی حکومت کو بروقت بھجوائی جاسکیں۔ ہنگری کے سفیر نے دونوں ملکوں تجارت کے حجم کو بڑھانے اور مشینری، زرعی پراڈکٹس ، ٹیکسٹائل اور کیمیمکلز کے شعبوں میں تجارت کو مزید فروغ دینے مشترکہ تعاون پر زور دیا۔ انہوں نے کہا کہا کہ وہ پاکستانی طالبعلموں کیلئےسکالرشپس بڑھانے کیلئے کوشش کریں گے۔