خیبرپختونخوا پولیس کوسنگین سکیورٹی خطرات کے باوجود 17000 اہلکاروں کی کمی کا سامنا

پشاور ( ارشدعزیز ملک )سنگین سکیورٹی خطرات کے باوجود خیبرپختونخوا پولیس کو 17000 پولیس اہلکاروں کی کمی کا سامنا ہے جبکہ ستم ظریفی یہ ہے کہ 13500 پولیس اہلکار افراد اور حساس عمارتوں کے سکیورٹی گارڈز کے طور پر تعینات ہیں۔پولیس میں بی پی ایس 18 سے بی پی ایس 21 تک 74 افسران کی کمی ‘ بی پی ایس 21 کے تین افسران دستیاب نہیں ‘بی پی ایس 20 کی 2 آسامیاں خالی ،آئی جی اختر حیات گنڈاپور کےمطابق کے پی پولیس کو بہتر معیار کے افسروں کی شدید ضرورت ، بی پی ایس 20اور بی پی ایس 19 میں بہت سے بیکار افسر بھی موجود ہیں ، اس طرح مجموعی طور پرپولیس کو 123000 میں سے تقریباً 30500 کی کمی کا سامنا ہے۔ CPEC اور نان CPEC منصوبوں کی سکیورٹی کے لیے بنائے گئے خصوصی سکیورٹی یونٹ کو بھی 2500 اہلکاروں کی کمی کا سامنا ہے اور وہ اپنی نصف تعدادسے کام کر رہے ہیں۔