نواز شریف کے سمدھی اور ہم زلف ڈاکٹر آصف بیگ انتقال کرگئے

لاہور(خصوصی نمائندہ)پاکستان مسلم لیگ ن کے قائد و سابق وزیر اعظم نواز شریف کے سمدھی اور ہم زلف ڈاکٹر آصف بیگ طویل علالت کے بعد لاہور میں انتقال کر گئے،برین ہمیرج کے باعث تقریباً ڈیڑھ ماہ سے نجی ہسپتال میں وینٹی لیٹر پر تھے۔نماز جنازہ بعد از نماز جمعہ 28ایچ ماڈل ٹائون میں ادا کی گئی جبکہ تدفین میانی صاحب قبرستان میں کی گئی ۔نماز جنازہ میں نواز شریف ،کیپٹن (ر) صفدر و دیگر عزیز وا قارب نے شرکت کی ۔ذرائع کے مطابق مرحوم بیگم کلثوم نواز کی چھوٹی بہن کے شوہر اور حسن نواز کے سسر تھے۔