بھارتی انتخابات کا پہلا مرحلہ، مقبوضہ کشمیر سمیت 21 ریاستوں میں پولنگ

نئی دہلی(جنگ نیوز)بھارت میں عام انتخابات کے لیے پہلے مرحلے میں ووٹنگ کا عمل مکمل ،مقبوضہ کشمیر سمیت 21 ریاستوں میں پولنگ ہوئی، مغربی بنگال اور منی پور میں تشدد کے واقعات رپورٹ ہوئے ہیں۔بھارت میں سات مراحل میں انتخابات ہوں گے۔ ۔ ملک میں رجسٹرڈ ووٹرز کی تعداد 97 کروڑ ہے، ٹرن آئوٹ 59.71 فیصد رہا۔ ایوانِ زیریں (لوک سبھا) کی کل نشستوں کی تعداد 543 ہے۔