عمران خان کیخلاف تحریک عدم اعتماد سے سعودی عرب کا کوئی تعلق نہیں تھا،طاہر اشرفی

لاہور(خصوصی رپورٹر)چیئرمین پاکستان علماء کونسل حافظ طاہر محمود اشرفی نے کہا ہے کہ عمران خان کے خلاف تحریک عدم اعتماد سے سعودی عرب کا کوئی تعلق نہیں تھا، پاکستان سے برادر دوست ملک کو متنفر کرنے کیلئے غیر ذمے دارانہ بیانات دیے گئے ہیں۔ لاہور پریس کلب میں پریس کانفرنس کرتے ہوئے انہوں کہا کہ سعودی وفد کاپاکستان آنا خوش آئند ہے ، ہم امداد نہیں تجارت چاہتے ہیں، آزاد اور خود مختار فلسطینی ریاست کے قیام کے حامی ہیں، پاکستان اسرائیلی بربریت کی پرزور مذمت کرتا ہے، انہوں نے کہا کہ سعودی عرب نے ہر مشکل وقت میں پاکستان کا ساتھ دیا، عازمین حج کو تمام سہولیات فراہم کی جائیں گی، پرائیویٹ حج کی بکنگ جاری ہے۔