اسمگلنگ کی روک تھام کیلئے ملک گیر مہم تیز کی جائے ،وزیراعظم

اسلام آباد (این این آئی) وزیراعظم شہباز شریف نے کہا ہے کہ افغان ٹرانزٹ ٹریڈ کی اشیاء کی پاکستان میں فروخت اور اسمگلنگ کی روک تھام کیلئے ملک گیرمہم کو تیز اور مؤثر کیا جائے، سرحدی علاقوں میں اسمگلنگ کی روک تھام کیلئے نوجوانوں کو متبادل روزگار کے مواقع اور کاروبار کیلئے سازگار ماحول فراہم کیا جائے، پاکستان سے ا سمگلنگ جڑ سے ختم کرنے کیلئے پرعزم ہوں،ملک و قوم کا پیسہ لوٹنے والوں اور انکے سہولت کاروں کو قطعاً کسی بھی قسم کی رعایت نہیں دی جائے گی،انہوں نے قانون نافذ کرنے والے اداروں کوانسداد سمگلنگ کی کوششوں کو مزید تیز کرنے کی ہدایت کی،گزشتہ روز وزیرِ اعظم کی زیرِ صدارت ملک میں سمگلنگ کی روک تھام کے حوالے سے اعلی سطحی جائزہ اجلاس منعقد ہوا۔