صدر نے ترکیہ کے چیف آف جنرل سٹاف کو نشان امتیاز ملٹری عطا کیا

اسلام آباد (نمائندہ جنگ) صدر مملکت آصف علیزرداری نے ترکیہ کے چیف آف جنرل سٹاف جنرل متین گورک کو بہترین انتظامی کارکردگی پر نشان امتیاز (ملٹری) سے نوازا۔ ایوان صدر میں پروقار تقریب منعقد ہوئی جس میں چیئرمین جوائنٹ چیفس آف سٹاف کمیٹی جنرل ساحر شمشاد، تینوں مسلح افواج کے سینئر حکام، غیر ملکی سفارت کاروں کی کثیرتعداد موجود تھی۔ صدر مملکت آصف علی زرداری نے بہترین انتظامی کارکردگی، ترکیہ میں امن و استحکام اور پاکستان کے ساتھ قریبی تعلقات میں اہم کردار ادا کرنے پر ترکیہ کے چیف آف جنرل سٹاف جنرل متین گورک کو نشان امتیاز ملٹری عطا کیا۔ علاوہ ازیں صدر زرداری سے پاک بحریہ کے سربراہ ایڈمرل نوید اشرف نے ملاقات کی۔