ایرانی صدر ابراہیم رئیسی کا دورہ پاکستان غیرمعمولی اہمیت کا حامل ہوگا

اسلام آباد (فاروق اقدس/نامہ نگار خصوصی) مشرق وسطیٰ کی تازہ ترین صورتحال اور اسرائیل اور ایران کے درمیان عسکری محاذ آرائی کے تناظر میں ایرانی صدر کا دورہ پاکستان غیر معمولی اہمیت کا حامل ہے اور ان کے اس دورے پر عالمی برادری کی توجہ مرکوز رہے گی۔ پاکستان میں متعین ایرانی سفیر رضا امیری مقدم نے گزشتہ روز دفترِ خارجہ کا دورہ کیا اور وزارتِ خارجہ کے اعلیٰ حکام سے ملاقات کی جس میں متعلقہ امور پر مشاورت ہوئی۔ ایرانی سفیر کی ملاقات ایران کے صدر ڈاکٹر ابراہیم رئیسی کے دورہ پاکستان کے حوالے سے سیکیورٹی سے متعلق امور کا جائزہ لینے کیلئے ہوئی۔