ایکس پر مصنوعی انداز سے اکائونٹ مقبول کرنے کیخلاف ایلون مسک کا اعلان

اسلام آباد (بیورو رپورٹ) سماجی رابطوں کی ویب سائٹ ایکس (سابقہ ٹوئٹر) کے چیف ایگزیکٹو افسر ایلون مسک نے ’’انگیجمنٹ فارمنگ‘‘ کے بارے میں نئی ​​پالیسی کا اعلان کرتے ہوئے خبردار کیا ہے کہ جو بھی اکائونٹس اس میں ملوث ہیں انہیں معطل کر دیا جائے گا اور اس کا سراغ لگایا جائے گا۔ اس اقدام کا مقصد سوشل نیٹ ورکنگ پلیٹ فارم پر بات چیت کی صداقت اور معیار کو بہتر بنانا ہے۔ فارم انگیجمنٹ فارمنگ اسپیم کا پتہ لگانے، اسے ختم کرنے اور اس کے اصل ذریعے کا سراغ لگا کر اس تک پہنچنے کیلئے ’’Grok‘‘ کا استعمال کرے گا۔ اس اعلان سے صارفین کا ملا جلا رد عمل سامنے آیا ہے۔ کچھ اظہار کی آزادی کے متعلق فکر مند ہیں، جبکہ دوسروں کا خیال ہے کہ اس سے زیادہ سوچ سمجھ کر پوسٹ کرنے کی حوصلہ افزائی ہوگی۔