بجلی چوری کے معاملے پر وفاق سے بات چیت کیلئے تیار ہیں، بیرسٹر سیف

راولپنڈی(جنگ نیوز)مشیر اطلاعات خیبر پختونخوا بیرسٹر محمد علی سیف نے کہا ہے کہ بجلی کی چوری کے معاملے پر وفاق سے بات چیت کے لیے تیار ہیں،وزیرِ اعلیٰ کے پی پہلے ہی تجویز دے چکے ہمارے بقایات بجلی بلز میں ایڈجسٹ کیے جائیں، بجلی کی چوری ختم کرنا وفاقی حکومت کا کام ہے۔میڈیا سے گفتگو کرتے ہوئے انہوں نے کہا کہ بجلی چوری وفاقی حکومت کی نااہلی ہے، وفاقی وزیر کا اپنی نااہلی چھپانے کیلئے کے پی حکومت پر الزم لگانا غیرمناسب ہے۔ انہوں نے کہا کہ لگتا ہے اویس لغاری کو اپنی ذمے داریوں کا پتہ ہی نہیں، بجلی کے خالص منافع کی مد میں بقایاجات ادائیگی کے بجائے ہم پر الزامات لگائے جا رہے ہیں۔