ایرانی صدر کل وفد کے ہمراہ اسلام آباد پہنچیں گے، لاہور اور کراچی بھی جائینگے

اسلام آباد (فاروق اقدس) ایران کے صدر ابراہیم رئیسی پیر کی صبح اسلام آباد پہنچیں گے،وہ لاہور اور کراچی بھی جائینگے، ایرانی صدر کو وزیراعظم ہائوس میں گارڈ آف آنر پیش کیا جائیگا صدر ابراہیم رئیسی اور وزیراعظم شہباز شریف کے درمیان باضابطہ مذاکرات کے دوران دوطرفہ تعلقات اور علاقائی امن پربھی بات ہوگی، وزیراعظم کی طرف سے ایرانی مہمانوں کو ظہرانہ دیا جائیگا پیر کو چیئرمین سینٹ یوسف رضا گیلانی، سپیکر قومی اسمبلی ایاز صادق، وزیرخارجہ اسحاق ڈار اور دیگر وزراء ایرانی صدر سے ملاقاتیں کرینگے، ایرانی صدر سے عسکری قیادت کی ملاقات بھی ہو گی، پیر کی شام ہی صدر آصف زرداری سے ایرانی صدر ملاقات کرینگے جس کے بعد صدر زرداری عشائیہ بھی دینگے منگل کو ایران کے صدر لاہور پہنچیں گے جہاں گورنر اور وزیراعلیٰ پنجاب سے ملاقاتیں ہونگی، گورنر پنجاب کی جانب سے ایرانی صدر کو ظہرانہ دیا جائیگا ایرانی صدر شاہی قلعہ اور بادشاہی مسجد جائینگے، ایرانی صدر منگل کو کراچی پہنچیں گے جہاں گورنر اور وزیراعلیٰ سندھ سے ملاقاتیں ہونگی ایرانی صدر مزار قائد پر حاضری دینگے جبکہ گورنر سندھ کی جانب سے ضیافت کا اہتمام کیا جائیگا، بدھ کو ایران کے صدر واپس چلے جائینگے۔