عمران سیاسی دکان چمکانے کیلئے بغیر ثبوت الزام تراشی کرتے رہے، ضیاءعباس

کراچی(اسٹاف رپورٹر)سینئر سیاست داں اور مسلم لیگ کے سابق سیکریٹری جنرل سید ضیاء عباس نے کہا ہے کہ عمران خان بغیر ثبوت کے اپنی سیاسی دکان چمکانے کے لئے الزام تراشی کرتے رہے،سیاسی جماعتوں کے ایک دوسرے پر الزامات کی انکوائری کے لئے سپریم کورٹ سے ایک کمیشن تشکیل دیا جائے تاکہ ملک میں الزام تراشی کا خاتمہ ہوسکے، 2018سے اس وقت کی پی ٹی آئی حکومت اور اس کے رہنمائوں نے اپنے مخالفین کے خلاف کرپشن اورچو ر چور کی جس مہم کا آغاز کیا وہ آج تک جاری ہے،مگر اپنے ساڑھے تین سالہ دور اقتدار میں یہ جماعت اپنے حریفوں کے خلاف ایک ثبوت بھی عدالتوں کو فراہم نہیں کرسکی، ان الزامات کو ثابت نہ کرنے پر اپنی ناکامی کے بعد عمران خان نے ملبہ سابق آرمی چیف جنرل باجوہ اور ان کے ساتھیوں پر ڈال دیا کہ انہوں نے مخالفین کے بارے میں یہ سب کچھ انہیں بتایا تھا۔