امریکا ، چین،روس کے بعد بھارت سب سے زیادہ فوجی اخراجات کرنیوالاملک

سٹاک ہوم (صباح نیوز) امریکہ ، چین اورروس کے بعد بھارت سب سے زیادہ فوجی اخراجات کرنے والا ملک بن گیا ہے ۔جنگی اخراجات میں اضافہ کرنے والے ممالک میں انڈیا عالمی درجہ بندی میں83.6ارب ڈالرز کے اخراجات کے ساتھ2023میں عالمی سطح پر چوتھے، ایشیا میں تیسرے نمبر پر اور جنوبی ایشیا میں پہلے نمبر پر رہا۔عالمی جنگی اخراجات میں انڈیا کا شیئر 3.4فیصد رہا۔دنیا میں مسلسل نویں سال جنگی اخراجات میں اضافہ ہوا ہے جو 2023 میں مجموعی طور پر 24.43کھرب ڈالرز تک جا پہنچا ہے۔ امریکہ ، چین ،روس ، بھارت کے بعد سعودی عرب،اسرائیل،ایران،کویت،عمان، سرفہرست ہیں ۔امریکہ نے دفاعی اخراجات میں 9.16 کھرب ڈالرز خرچ کیے۔روس نے 2.96 کھرب ڈالرز ،چین نے 1.09 کھرب ڈالرز ،انڈیا نے 0.836 کھرب ڈالرز خرچ کیے۔سعودی عربنے 0.758 کھرب ڈالرز خرچ کیے۔عالمی درجہ بندی کے مطابق پاکستان گذشتہ ایک دہائی کے مقابلے میں دفاع پر اخراجات کی مد میں کم ترین سطح پر کھڑا ہے۔رپورٹ کے مطابق مالی سال 2023-24 میں پاکستان نے دفاع پر 8.5 ارب ڈالرز خرچ کیے۔ جو 2014 سے 2023 (دس سالوں کی) اوسط کے مطابق منفی 13 فیصد بنتی ہے۔اگر پاکستان کی جی ڈی پی میں دفاعی بجٹ کے حصے کی بات کی جائے تو 2014 میں یہ 3.1 فیصد تھی جو 2023 میں 2.8 فیصد رہ گئی ہے۔2022 میں پاکستان دفاعی اخراجات کی عالمی درجہ بندی میں 24ویں نمبر پر تھا جو اب 30ویں نمبر پر موجود ہے۔