جموں و کشمیرکو ملک کی خارجہ پالیسی میں اولین ترجیح حاصل ہے ،صدر زرداری

اسلام آباد (صباح نیوز) صدر مملکت آصف علی زرداری نے کشمیر کاز کے لیے پاکستان کے غیر متزلزل عزم کا اعادہ کرتے ہوئے کہاہے کہ جموں و کشمیرکو ملک کی خارجہ پالیسی میں اولین ترجیح حاصل ہے ،پاکستان کشمیریوں کی سیاسی ،سفارتی اور اخلافی حمایت جاری رکھے گا،صدر زرداری نے کل جماعتی حریت کانفرنس کی آزاد جموں وکشمیر شاخ کے کنوینر محمود احمد ساغر کی جانب سے لکھے گئے تہنیتی خط کے جواب میں میں اس بات کی یقین دہائی کرائی ہے کہ پاکستان جموں وکشمیر کے عوام کی منصفانہ جدوجہد کی سیاسی ،سفارتی اور اخلاقی حمایت جاری رکھے گا۔انہوں نے کشمیر کاز کو اجاگر کرنے کے لئے کل جماعتی حریت کانفرنس کی کوششوں کو سراہتے ہوئے ان کی کامیابی کے لیے نیک تمنائوں کا اظہار کیا۔