ٹریفک حادثات میں 2کار سواروں سمیت 3جاں بحق

28 نومبر ، 2021

لاہور(کرائم رپورٹر) ڈیفنس بی میں ٹریفک حادثہ کے دوران کار سوار دو نوجوان جاں بحق ، ایک زخمی ہو گیا حادثہ تیز رفتاری کے باعث پیش آیا ، جے بلاک فیز 6 میں تیز رفتاری کے باعث گاڑی فٹ پاتھ سے ٹکرا کر الٹ گئی جس کے نتیجے میں کار سوار 24 سالہ فیصل، 25 سالہ علی احمد موقع پر دم توڑ گئے۔ جبکہ عامر شدید زخمی ہو گیا جس کو جنرل ہسپتال منتقل کردیا گیا ۔پولیس نے لاشوں کو ورثا کے حوالے کردیا۔نشتر کالونی میں تیز رفتار نامعلوم موٹر سائیکل ون وے کی خلاف ورزی کرتاجارہاتھاکہ سامنے سے آنیوالے ٹرک سے ٹکرا کرموقع پر ہی دم توڑگیا،جنرل ہسپتال منتقل کردیاگیا۔