پاک ایران سرحد کیساتھ بہتر کوآرڈی نیشن کی ضرورت ہے،آرمی چیف

23 اپریل ، 2024

اسلام آباد(نامہ نگار خصوصی) آرمی چیف جنرل عاصم منیر اور ایرانی صدر ابراہیم رئیسی کی ملاقات کے دوران پاک فوج کے سپہ سالار نے دونوں ممالک کے درمیان موجود سرحد کیساتھ بہتر کوآرڈی نیشن کی ضرورت پر زور دیا ہے تاکہ دہشتگردوں کو دونوں پڑوسی ممالک کے درمیان دیرینہ برادرانہ تعلقات کو خطرے میں ڈالنے سے روکا جا سکے،فوج کے شعبہ تعلقات عامہ کی جانب سے جاری بیان کے مطابق ملاقات میں علاقائی استحکام اور اقتصادی خوشحالی کیلئے مشترکہ کوشش کرتے ہوئے دوطرفہ تعاون کو فروغ دینے کی ضرورت پر اتفاق کیا گیا،ایرانی صدر نے کہا کہ دونوں مسلح افواج کے درمیان تعاون کو فروغ دیکر پاکستان اور ایران دونوں اقوام اور خطے کیلئےامن و استحکام حاصل کر سکتے ہیں۔