شہباز شریف کی صدرابراہیم رئیسی سے فارسی میں گفتگو، شرکاء کو خوشگوار حیرت

اسلام آباد(نیوز رپورٹر) وزیرِ اعظم محمد شہباز شریف نے ایران کے صدر ڈاکٹر ابراہیم رئیسی سے فارسی میں گفتگو کی ۔وزیرِ اعظم نےایرانی صدر سے مکالمہ میں کہا کہ چشمِ ما روشن دلِ ما شاد( آپکو دیکھ کر ہماری آنکھیں ٹھنڈی ہوئیں اور دل خوش ہوا.)وزیرِ اعظم نے ایرانی صدر کو علامہ تقی بہار کے پاکستان کے بارے فارسی میں کلام "درود بر پاکستان" بھی پڑھ کر سنایاجس میں کہا گیا ہے کہ ہمیشہ لطف خداباد یارِ پاکستانبہ کین مباد فلک با دیارِ پاکستان (پاکستان پر اللہ تعالی کا ہمیشہ فضل و کرم جاری رہے، اور آسمان پاکستان سے کبھی ناراض نہ ہو)وزیرِ اعظم نے ایرانی صدر سے گفتگو میں فارسی میں شعر بھی پڑھا جس میں انکے دورہءِ پاکستان کا بھرپور خیرمقدم کیااور انہیں بار بار پاکستان آنے کی دعوت دی.۔ وزیرِاعظم کی فارسی میں گفتگو پر شرکاء کے چہروں پر مسکراہٹیں پھیل گئیں۔ ایرانی صدر اور وفد کے ارکان وزیرِ اعظم کے فارسی زبان پر عبور کو دیکھ کر خوشگوار حیرت میں ڈوب ہوگئے۔