پاکستانی سرحدوں کو محفوظ بنانے میں مدد کی ،اقتصادی ترقی کیلئے کام کرینگے،امریکی سفیر

اسلام آباد(نامہ نگارخصوصی)امریکی سفیر ڈونلڈ بلوم نے کہا ہے کہ ہم نےپاکستان کی سرحدوں کو محفوظ بنانے میں مدد کی ہے، پاکستان کی اقتصادی ترقی کے لیے مل کر کام کریں گے ۔ منگل کو بلوچستان ہاؤس اسلام آباد میں خطاب کرتے ہوئے امریکی سفیر کا کہنا تھا کہ امریکا نے کوئٹہ میں نئے پولیس ٹریننگ کالج کیمپس کے لیے 5.35ملین ڈالرز دیے ہیں، ہم نے 900 ملین ڈالرز مالیت کے ریڈیو کمیونیکیشن آلات کا شیڈول بنایا ہے۔ڈونلڈ بلوم نے بتایا کہ 700ملین ڈالرزمالیت کی گاڑیاں اور 195 ملین ڈالرز مالیت کے دھماکے روکنے والے آلات فراہم کیے یہ اقدامات صوبے میں آپریشنز اور سیکیورٹی کو بہت بہتر بنائیں گے، ہم نے منشیات کی اسمگلنگ سے لڑنے اور دہشت گردی سے نمٹنے اور پاکستان کی سرحدوں کو محفوظ بنانے میں مدد کی ہے، ماحولیاتی، توانائی کے چیلنجوں پر پاکستان کے ساتھ کام کرنے کے لیے پرعزم ہیں۔