پشاور ،سکھ حکیم کی سیکورٹی پر مامور پولیس اہلکار کو شہید کردیا گیا

پشاور( کرائم رپورٹر) پشاور میں سکھ حکیم گل جیت سنگھ کی سیکورٹی پر مامور پولیس اہلکار فرہاد خان کو دوملزمان نے فائرنگ کرکے شہید کردیا،ملزمان فرارہوگئے جبکہ سربند میں جائیداد تنازع پر شوہر کو قتل اور بیوی او ر بھائی کو زخمی کردیا گیا ۔ادھر مسماۃ (ع) زوجہ طفیل نے پولیس کو بتایا کہ گزشتہ شب اس کا شوہر گھر کے باہر کھڑا تھا فائرنگ کی آواز سن کروہ گھر سے باہر نکلی تو سہیل اس کے شوہر پر فائرنگ کررہاتھا اس دوران ملزم نے اس پر بھی فائرنگ کردی اور ساتھ گھر میں اس کے دیور واجد پر بھی فائرنگ کردی جسکے نتیجے میں اس کا شوہرمتعدد گولیاں لگنے سے جاں بحق اور وہ اور اسکادیور زخمی ہو گئے وجہ عداوت جائیداد تنازعہ بتایا جارہاہے پولیس نے الگ الگ رپورٹیں درج کر لیں ۔