چکلالہ گیریژن میں سائنسدانوں اور انجینئرزکو سول اعزازات دینےکی تقریب

راولپنڈی (جنگ نیوز)چکلالہ گیریژن راولپنڈی میں اسٹریٹجک آرگنائزیشن کے سائنسدانوں اور انجینیئرز کو سول ایوارڈ دینےکی تقریب ہوئی۔آئی ایس پی آر کے مطابق چیئرمین جوائنٹ چیفس آف اسٹاف کمیٹی جنرل ساحر شمشاد مرزا نے سول ایوارڈز عطا کیے۔چیئرمین جوائنٹ چیفس آف اسٹاف کمیٹی نے صدر مملکت کی جانب سے ایوارڈز دیے۔آئی ایس پی آر کے مطابق مجموعی طور پر 35 ایوارڈز دیےگئے۔7 افسران کو ستارہ امتیاز، 15 کو صدارتی تمغہ برائے حسن کارکردگی سے نوازا گیا، 13 افسران کو تمغہ امتیاز سے نوازا گیا۔