مصری شاہ ڈاکوئوں کی فائرنگ سے 2شہری زخمی ہڈیارہ،ساندہ اور کاہنہ میں بھی وارداتیں

لاہور(کرائم رپورٹرسے) مصری شاہ میں ڈکیتی کی واردات کے دوران پولیس کی وردی میں ملبوس 2 ڈاکووں نے فائرنگ کر کے فیصل اور فضل کو زخمی کر دیا ۔موبائل فون اورنقدی چھین کر فرار ہو گئے۔ ہڈیارہ میں بشارت کے اہلخانہ سے 5لاکھ 20 ہزار ، زیوارات اور پرائز بانڈ ،ساندہ میں نویدسے2لاکھ 65ہزار و موبائل فون،کاہنہ کے علاقہ میں عباس کے گھر سے2لاکھ30ہزار ، زیورات اور دیگر سامان،مصطفی ٹاون میں عمر کے گھر سے1لاکھ90ہزار ، زیورات اور دیگر سامان،گلبرگ میں سعید کے گھر سے1لاکھ 50ہزار ،شیراکوٹ میں غلام رسول سے90ہزار اور دیگر سامان،جوہر ٹاون میں ڈاکو جاوید کی دکان سے 70ہزار اور موبائل فون، شادمان میں ڈاکو شرجیل کی دکان سے 43ہزار و موبائل فون جبکہ ہڈیارہ سے راحیل،وحدت کالونی ذیشان،بادامی باغ سے زاہد نواز کی گاڑیاں اور نصیر آباد سے آصف بٹ،گرین ٹاون سے اصغر اور جوہر ٹاون سے مشرف مجید کی موٹر سائیکلیں چوری ہو گئے۔