بجلی چوری میں ملازم ملوث، کنڈہ سسٹم کا خاتمہ سکیورٹی اداروں کی مدد بغیر ممکن نہیں،وزیر بجلی

اسلام آباد(نمائندہ جنگ)فاقی وزیر بجلی اویس احمد خان لغاری نے کہا ہے کہ ملک بھر میں بجلی چوری کی روک تھام کیلئے صوبائی حکومتوں کو مدد کیلئے خطوط لکھ دیئے گئے ہیں، کراچی سمیت ملک بھر میں بجلی چوری کے علاقوں میں لوڈ شیڈنگ کرنا مجبوری ہے، کنڈہ سسٹم کا خاتمہ سکیورٹی اداروں کی مدد کے بغیر ممکن نہیں۔ انہوں نے یہ یقین د ہانی منگل کو قومی اسمبلی میں نبیل گبول کے کراچی الیکٹرک سپلائی کمپنی کی جانب سے کراچی بالخصوص لیاری میں غیر اعلانیہ لوڈ شیڈنگ اور زائد بلنگ کے حوالے سے توجہ دلائو نوٹس کا جواب دیتے ہوئے کرائی ، دریں اثناء وفاقی وزیر قانون و انصاف سنیٹر اعظم نذیر تارڑ نے کہا کہ منڈا، داسو اور دیامر بھاشا ڈیموں کے منصوبوں کی تعمیر پر کام جاری ہے ،منصوبے بروقت مکمل ہونگے، جب تک دونوں ملک راضی نہ ہوں سندھ طاس معاہدہ ختم نہیں ہوسکتا ۔