اسمبلی منظوری کے بغیر ایک ماہ کا بجٹ منظور کرنے پر صوبائی حکومت کو نوٹس جاری

پشاور(نیوز رپورٹر) پشاور ہائیکورٹ کے جسٹس اعجاز انور اور جسٹس شاہد خان پر مشتمل دو رکنی بنچ نے صوبائی حکومت کی جانب سے اسمبلی کی منظوری کے بغیر ایک ماہ کے اخراجات کا بجٹ منظور کرنے کے خلاف دائر رٹ پر ایڈوکیٹ جنرل خیبر پختون خوا سے 2 مئی تک جواب طلب کرلیا. کیس کی سماعت شروع ہوئی تو درخواست گزار اپوزیشن لیڈر ڈاکٹرعباد اللہ کے وکیل امین الرحمان یوسفزئی عدالت میں پیش ہوئے۔ انہوں نے عدالت کو بتایا کہ موجودہ منتخب صوبائی حکومت نےنگر ان حکومت کےطرز پر آئین کے آرٹیکل 125 کے تحت مارچ کے مہینے کے لیے ضروری اخراجات کا بجٹ پیش کیا۔ جو غیر آئینی ہے انہوں نے عدالت سے استدعا کی کہ صوبائی کابینہ کی جانب سے ایک ماہ کے بجٹ منظوری کو کالعدم قرار دیا جائے جیل میں موجود قیدی کی مرضی پر صوبہ چل رہا ہے۔