ایرانی صدر کی پروٹوکول ہٹا کر وائس چانسلر جامعہ کراچی سے ملاقات

کراچی (سید محمد عسکری) پاکستان کے دورے پر آئے ایرانی صدر ابراہیم رئیسی کو وزیراعلیٰ سندھ ہاؤس میں پی ایچ ڈی کی اعزازی سند دی گئی اس موقع پر ایک حیران کن واقعہ پیش آیا کہ ایرانی صدر نے سند دیئے جانے کے بعد جامعہ کراچی کے شیخ الجامعہ ڈاکٹر خالد عراقی سے ملاقات کی خواہش ظاہر کی اور پروٹوکول سے ہٹ کر اُن سے ملاقات بھی کی۔ اس موقع پر ایرانی صدر نے ڈاکٹر خالد عراقی کا شکریہ ادا کیا اور ان کیلئے نیک تمنائوں کا اظہار بھی کیا۔