چیف جسٹس کےنوٹس پر جی او آر میں ڈی آئی جی آپریشنز کی رہائشگاہ کے باہر گارڈ روم ہٹانے کے احکامات جاری

لاہور(آصف محمود بٹ ) چیف جسٹس پاکستان جسٹس قاضی فائز عیسیٰ کی طرف سے لاہور کے علاقے جی او آر ون میں اعلیٰ سرکاری افسران و ججوں کی رہائشگاہوں پر غیر قانونی گارڈ رومز کی تعمیر پر لئے گئے نوٹس کے بعد محکمہ ایس اینڈ جی اے ڈی نے ڈی آئی جی آپریشنز لاہور کی رہائشگاہ کے باہر گارڈ رومز فوری طورپر ہٹانے کے احکامات جاری کر دیئے ہیں۔ ذرائع نے بتایاان احکامات کے بعد ڈی آئی جی آپریشنز نے اس پر فوری عملدرآمد کیا۔’’جنگ‘‘ کے رابطہ کرنے پر چیف سیکرٹری زاہد اختر زمان نے بتایا کہ چیف جسٹس پاکستان کے احکامات پر ایس اینڈ جی اے ڈی کی طرف سے من و عن اور فوری عملدرآمد کرایا گیا ہے۔