7افسران کے تقرروتبادلے ، احمد عزیز تارڑ سیکرٹری اطلاعات وثقافت پنجاب تعینات

لاہور ( جنرل رپورٹر ) پنجاب حکومت نے 7فسران کے تقرروتبادلے کے احکامات جاری کئے ہیں ۔ سیکرٹری اطلاعات وثقافت پنجاب دانیال عزیز گیلانی کو تبدیل کر کے او ایس ڈی بنا دیا گیا ہے انھیں ایس اینڈ جی اے ڈی رپورٹ کرنے کی ہدایت کی گئی ہے جبکہ ممبر پلاننگ اینڈ ڈویلپمنٹ بورڈ (پی اینڈ ڈی) احمد عزیز تارڑکو تبدیل کر کے سیکرٹری اطلاعات وثقافت پنجاب تعینات کیا گیا ہے ان کے پاس 3 ماہ کے لئے ڈائریکٹر پبلیک ریلیشنز(ڈی جی پی آر) کے عہدہ کا بھی اضافی چارج ہو گیا جبکہ ڈائریکٹرجنرل پبلک ریلیشنز(ڈی جی پی آر ) پنجاب روبینہ افضل کو تبدیل کر کے او ایس ڈی بنا دیا گیا ہے انھیں واپس محکمہ ڈی جی پی آر رپورٹ کی ہدایت کی گئی ہے۔ڈائریکٹر جنرل پنجاب لینڈ ریکارڈ اتھارٹی سائرہ عمر کو تبدیل کر کے او ایس ڈی بنا دیا گیا ہے انھیں ایس اینڈ جی اے ڈی میں رپورٹ کرنے ،ڈپٹی کمشنر ساہیوال کیپٹن (ر) اکرام الحق کو تبدیل کر کے ڈائریکٹر جنرل پنجاب لینڈ ریکارڈز اتھارٹی جبکہ ایڈیشنل ڈپٹی کمشنر ( ریو نیو ) اعتزاز اسلم مارتھ کو ڈپٹی کمشنر ساہیوال کا اضافی چارج تفویض کر دیا گیا ہے ۔