دنیا میں تمباکو کی مجموعی پیداوار کا 90 فیصد ترقی پذیرممالک پیدا کرتے ہیں، ڈاکٹر آفتاب مدنی

اسلام آباد(آئی این پی)لندن کے امپیریل کالج نے حال ہی میں تمباکو نوشی کے بارے میں تمباکو کا عالمی ماحولیاتی فوٹ پرنٹ کے عنوان سے ایک ریسرچ جاری کی ہے جس سے پتہ چلتا ہے کہ کم ترقی یافتہ ممالک میں تمباکو کی پیداوار تشویش کا باعث بن چکی ہے اورپاکستان دنیا کے 90 فیصد سگریٹ پیدا کرنے والے 9 غریب ممالک میں شامل ہے۔ اس ریسرچ کا حوالہ دیتے ہوئے، انڈس یونیورسٹی کے ڈین ڈاکٹر آفتاب مدنی کہتے ہیں،دنیا میں تمباکو کی مجموعی پیداوار کا تقریبا 90 فیصد ترقی پذیرممالک پیدا کرتے ہیں۔ تمباکو پیدا کرنے والے 10 ممالک میں سے 9 ترقی پذیر ہیں جن میں پاکستان سمیت چار ممالک کم آمدنی اور غذائی خسارے کاشکار ہونے والے ملک شامل ہیں۔ حقیقت یہ ہے کہ سگریٹ کی آسانی سے دستیابی ان لوگوں کے لیے غربت کی گہرائی میں مزید گرنے کا سبب بن رہی ہے۔ یہاں کے لوگ سگریٹ خریدنے پر جو رقم خرچ کرتے ہیں وہ خوراک اور دیگر ضروری اشیا پر خرچ ہو سکتی ہے۔اس حوالے سے کیپیٹل کالنگ کی جانب سے کہا گیاہے کہ ملک پاکستان میں تمباکو پر ٹیکس لگانے کے حوالے سے عالمی ادارہ صحت کی تجاویز پر عمل کرنے کی ضرورت ہے۔