سوڈان میں 25برس بعد امریکی سفیر کا تقرر

واشنگٹن(اے ایف پی)امریکا نے سوڈان میں اپنے سفارت کار جون گوڈفرے کو خرطوم میں واشنگٹن کا سفیر مقرر کیا ہے۔ یہ بات العربیہ اور الحدث نیوز چینل کی نامہ نگار نے آج ہفتے کے روز بتائی۔گوڈفرے 1996ء میں واشنگٹن اور خرطوم کے درمیان سفارتی تعلقات منقطع ہونے کے بعد سے سوڈان میں پہلے امریکی سفیر بن گئے ہیں۔واضح رہے کہ 2019ء میں سوڈان کے سابق صدر عمر البشیر کی معزولی کے بعد امریکا سوڈان تعلقات میں ایک نئی لہر دیکھنے میں آئی۔ امریکا متعددبار اس بات کا اظہار کر چکا ہے کہ وہ سوڈان میں جمہوریت کی واپسی اور صاف اور شفاف انتخابات کے انعقادکا خواہاں ہے۔