بیلاروس اور پولینڈ کے بیچ پھنسے مہاجرین کو جرمنی لانے پر عوام منقسم

منسک(اے ایف پی)جرمن باشندے بیلاروس اور پولینڈ کی سرحد پر پھنسے مہاجرین کو جرمنی لانے پر اس بارے میں منقسم ہیں ۔ایک سروے کے مطابق اس میں شامل ہونے والے پینتالس فیصد جرمن ان مہاجرین کو جرمنی لانے کے خلاف ہیں جبکہ صرف نو فیصد نے کہا کہ انہیں جرمنی میں پناہ حاصل کرنے کی اجازت ہونی چاہیے۔ اکیس فیصد کے بقول اگر یورپی یونین کے دیگر رکن ممالک بھی انہیں پناہ دینے کو تیار ہیں تو جرمنی کو بھی ایسا کرنا چاہیے۔ اس آن لائن سروے میں اکیس سو سے زائد جرمنوں نے حصہ لیا، جو انیس تا تئیس نومبر کروایا گیا۔