ڈی ایس آفس ورکشاپس میں ای کچہری کاانعقاد

لاہور ( جنرل رپورٹر ) ڈی ایس آفس ورکشاپس میں ای کچہری کا انعقاد ہوا جس میں ڈویژنل سپرنٹنڈنٹ پاکستان ریلوے ورکشاپ محمد یوسف لغاری نے حاضر سروس اور ریٹائرڈ ملازمین کے مسائل سنے۔ای- کچہری کا اہتمام وزیر اعظم پاکستان عمران خان اور وفاقی وزیر ریلوے محمد اعظم خان سواتی کے احکامات پر کیا جاتا ہے تاکہ لوگوں کے مسائل کو حل کیا جاسکے۔ ڈی ایس آفس ورکشاپس مغلپورہ میں ہونے والی ای- کچہری میں نہ صرف ریلوے ملازمین بلکہ پورے ورکشاپس ڈویژن مغلپورہ سے عوام حصہ لے کر ریلوے سے متعلق اپنے مسائل پیش کرسکتے ہیں۔دو گھنٹے تک جاری رہنے والی ای- کچہری میں ملازمین کو گھروں کی الاٹمنٹ، واجبات کی ادئیگی، تقرری اور تبادلوں سے متعلق مسائل کو بیان کرنے کا بھرپور موقع دیا گیا اور اس دوران لوگوں کے مسائل کو بھی سنا گیا ۔اس موقع پر ڈی ایس ورکشاپ محمد یوسف لغاری کے ساتھ تمام ڈویژنل افسران بھی موجود تھے۔